Unha familia moi musical

Como xa sabedes, neste primeiro trimestre, os encargados de presentarnos as actividades serán unha familia cuxa vida xira ó redor da música. Os nomes dos diferentes membros foron elixidos polos nenos e nenas do servizo.

Os luns visítanos o avó Curro, un viaxeiro polo mundo na busca de sons novos e tradicionais, instrumentos musicais e estilos internacionais.

O primeiro país que nos presenta o avó Curro é Australia, e tróuxonos un vídeo para coñecer os seus costumes, historia, localización xeográfica, arte, instrumentos típicos, especies autóctona, etc.

O que máis lles chamou a atención ós nenos e nenas foi a arte aborixe tradicional australiana que comprende, entre outras, a pintura de puntos (puntillismo)

E como en Australia hai máis lagartos que en calquera outro lugar do mundo, decidimos facer un lagarto coa técnica do puntillismo para logo expoñelos nun mural na aula.

 

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>