• ESCOLA DE VERÁN 2019. PINTANDO OS MUROS.

    A través desta proposta educativa preténdense descubrir as habilidades artísticas dos nenos e nenas a través das expresións de arte na cultura urbana ao tempo que normalizamos o uso do galego e das nosas propias particularidades dentro deste contexto. Partindo da base de que todos e todas podemos crear arte urbana e aportar algo á nosa sociedade.

    Saber Máis

  • Moitas actividades!!!

    Xogos de todo tipo para aprender e desfrutar ao mesmo tempo.

    Coñeza as actividades


inicio

Un campamento urbano, nunca debe converterse nunha “gardería estacional”, debe ser un espazo de encontro, de motivación lúdica, de aprendizaxe, de convivencia … un espazo, en definitiva capaz de ofrecer aos nenos e nenas a posibilidade de gozar de vacacións aínda que continúe estando no seu entorno máis inmediato.

O obxectivo do campamento é coidar dos nenos e nenas á vez que lles aprendemos a xestionar o seu tempo libre, ensinándolles a ocupar este con actividades lúdicas e educativas acorde o seu desenvolvemento, inculcando actitudes de respecto, cooperación e tolerancia a través de obradoiros e xogos compartidos.


Artigos recentes

Recta final

Para despedir a escola de verán tivemos a visita do artista Fran Riveiro que nos amosou as súas obras e co cal realizamos un taller de pintura. E como colofón final organizamos un gran festival de música onde nenos e monitores demostramos as nosas dotes artísticas.

Psicomotricidade, imaxinación e creatividade

As nenas e nenos da Maía seguimos a introducirnos no mundo da música. Esta semana a través de diferentes dinámicas viaxamos polos diversos estilos musicais (tango, rock, flamenco, clásica….) Traballando así a psicomotricidade, imaxinación, creatividade, e as diferentes culturas.

O bo tempo acompaña

Parece que o sol e o bo tempo queren acompañarnos nesta última quenda da Escola de Verán. Esta semana comezamos cada xornada con xogos de equipo como o baseball pateo, Rommell Montgomery, xogo das pás, o KO… e despois de merendar co caloriño chapuceamos na piscina grandes e pequenos. 


Algunhas das actividades

  • Diverciencia

    Diverciencia

    Explicarémoslles aos nenos e nenas que somos sabios investigadores e para ser sabios investigadores necesitamos CREATIVIDADE e o DESEXO DE APRENDER COUSAS NOVAS a través de experimentos sinxelos, divertidos e fundamentais para comprender a natureza das cousas.
  • Speak&Play

    Speak&Play

    Onde os nenos e nenas se divertirán mantendo un contacto directo e continuado co inglés para potenciar a súa asimilación e comunicación a través dun conxunto variado de actividades.
  • Xogos de presentación

    Xogos de presentación

    Trátase de xogos moi sinxelos que permiten un acercamento e contacto. Fundamentalmente son xogos destinados a aprender os nomes e algunha característica.
  • Xogos cooperativos

    Xogos cooperativos

    Os nenos e nenas xogan cos demais non contra os demais. Xogan para superar desafíos ou obstáculos e búscase a participación de todos. Dáse importancia a metas colectivas e non a metas individuais. Búscase a creación e as suxestións de todos. Búscase desenvolver as actitudes de empatía, cooperación, aprecio e comunicación, ademais da non discriminación ás persoas con dificultades.
  • Xogos de expansión

    Xogos de expansión

    Despois da merenda de media mañá realizaremos todo tipo de xogos, onde os nenos e nenas poidan desenvolver actitudes, condutas ou capacidades de forma autónoma. Crearanse espazos que terán unhas normas básicas de uso pero so recursos que neles atoparemos poderán ser utilizados de forma libre polos nenos e nenas, sempre que manteñan unha actitude de respecto cara ao espazo, os recursos e os compañeiros e compañeiras.Xogos destinados a desenvolver as interrelacións entre os membros dos grupos e os monitores e monitoras.
  • Xogos populares

    Xogos populares

    Traballaremos sobre a idea de que un dos principais puntos en común dos nenos e nenas de diferentes culturas é o xogo. Os distintos tipos de xogo que os nenos e nenas practican son un reflexo da cultura na que viven. Así, por exemplo, ata fai pouco os xogos tradicionais infantís nalgunhas etnias de Papua Nueva Guinea caracterizábanse pola ausencia de gañadores e perdedores. Todo o contrario sucede nos xogos actuais da nosa sociedade occidental onde a competición convértese en moitos casos en moitos casos nun elemento esencial.